శ్రీ సద్గురు పీఠం తరపున దీపావళి శుభాకాంక్షలు – స్వాతి నక్షత్ర యుక్త ఆశ్వయుజ అమావాస్య

సమస్త భక్తులకు, శ్రేయోభిలాషులకు, బంధు మిత్రులందరికీ శ్రీ సద్గురు పీఠం తరపున హృదయపూర్వక దీపావళి శుభాకాంక్షలు.

స్వాతి నక్షత్రంతో కూడిన అమావాస్య

ఈ సంవత్సరం దీపావళి ఎంతో విశేషమైనది – స్వాతి నక్షత్రంతో కూడిన ఆశ్వయుజ అమావాస్య (ఆదివారం, 8 నవంబర్ 2026). స్వాతి నక్షత్రం దీపావళి రాత్రంతా ఉండి, 9 నవంబర్ ఉదయం 7:24కు ముగుస్తుంది (ద్రిక్ పంచాంగం).

స్వాతి అంటే ప్రాణశక్తి. స్వాతిలో పడిన ఒక్క చినుకు ముత్యం అయినట్లు, ఈ పవిత్ర అమావాస్య నాడు మనం చేసే ఒక్క దీపదానం, ఒక్క సత్కర్మ జన్మజన్మలకు పుణ్యాన్నిస్తుంది.

దీపావళి పరమార్థం ఏమిటి?

బయట దీపాలు వెలిగించడం ఆచారం మాత్రమే. అమావాస్య అనే చీకటి – మనలోని అజ్ఞానానికి ప్రతీక. ఆ చీకటిలో మనం వెలిగించే దీపం – ఆత్మ జ్యోతి.

వేదం చెప్పినట్లు – "తమసోమా జ్యోతిర్గమయ" – చీకటి నుండి వెలుగులోకి ప్రయాణమే దీపావళి.

ఈ పర్వదినాన లక్ష్మీదేవిని పూజిస్తాం. లక్ష్మి అంటే కేవలం ధనం కాదు, లక్ష్యాన్ని చూపేది లక్ష్మి.

శుభాకాంక్షలు

ఈ దీపావళి మనందరి ఇంటిలో దీపకాంతుల వెలుగులను, మన హృదయంలో జ్ఞాన జ్యోతిని, మన జీవితంలో ఆనంద, ఐశ్వర్య, ఆరోగ్యాలను నింపాలని శ్రీ సద్గురునాథుల దివ్య చరణాల చెంత ప్రార్థిస్తున్నాము.

మీకు, మీ కుటుంబ సభ్యులకు మరొక్కసారి దీపావళి శుభాకాంక్షలు.

అసతోమా సద్గమయ... తమసోమా జ్యోతిర్గమయ

శ్రీ సద్గురు పీఠం ✍

సంబంధిత వ్యాసాలు: నరక చతుర్దశి, దీపావళి 2026 నిర్ణయం, భక్తికి మూలం హృదయ పరివర్తన.