నేడు భద్రాచలం రామదాసు జయంతి సందర్భంగా……..

శ్రీ రామదాసు కీర్తన..!!

సావేరి - చాపు ( - ఆది).

🌸పల్లవి:-🌸

🌷సీతారామస్వామి నే జేసిన నేరంబేమి!! సీతా !!..🌷

ఖ్యాతిగ నీ
పదపంకంజములు
నే ప్రీతిగ దలపక భేదమెంచితినా!! సీతా !!

చరణము(లు):-
రంగుగ నాపదివేళ్ళకు రత్నపుటుంగరములు నిన్నడిగితినా!

సంగతి బంగారుశాలువ పాగాలంగీల్‌ నడికట్లడిగితినా!

చెంగటి భూసుర పుంగవులెన్నగ చెవులకు చౌకట్లడిగితినా!

పొంగుచు మువ్వలు ముత్యపు సరములు బాగుగ నిమ్మని యడిగితినా!! సీతా !!

ప్రేమతో నవరత్నంబులు దాపిన హేమకిరీటం బడిగితినా!

కోమలమగు నీ మెడలో పుష్పపుదామంబులు నేనడిగితినా!

మోమాటము పడకుండగ నీవగు మురుగులు గొలుసుల నడిగితినా!

కమలేక్షణ మిము సేవించుటకై ఘనముగ రమ్మని పిలిచితిగాని!! సీతా !!

తరచుగ నీపాదంబుల నమరిన సరిగజ్జెలను అడిగితినా!

కరుణారస ముప్పొంగ మీ గజతురగము లిమ్మని యడిగితినా!

పరమాత్మ నీ బంగారుశాలువ పైగప్పగ నేనడిగితినా!

స్మరసుందర సురవర సంరక్షక వరమిమ్మని నిన్నడిగితినా!! సీతా !!

ప్రశస్త భద్రాద్రీశుడవని నిను ప్రభుత్వమిమ్మని యడిగితినా!

దశరథసుత నీచేత ధరించిన దానకంకణ మ్మడిగితినా!

విశదముగను నీ మేలిమ మొలనూల్‌ వేడుకతో నేనడిగితినా!

ఏదుము భూమిని కుచ్చలనేలకు నెక్కువగా నిన్నడిగితినా!! సీతా !!.

తరచుగా అడిగే ప్రశ్నలు

"సీతారామస్వామి నే జేసిన నేరంబేమి" కీర్తనను ఎవరు రచించారు?

ఈ కీర్తన భద్రాచలం రామదాసు రచించిన శ్రీ రామదాసు కీర్తన. రామదాసు జయంతి సందర్భంగా దీనిని స్మరించుకుంటారు.

ఈ రామదాసు కీర్తన ఏ రాగం, తాళంలో ఉంది?

ఈ కీర్తన సావేరి రాగంలో, చాపు (ఆది) తాళంలో ఉంది. పల్లవి "సీతారామస్వామి నే జేసిన నేరంబేమి" అని మొదలవుతుంది.

ఈ కీర్తనలో రామదాసు శ్రీరాముడిని ఏమని ప్రశ్నిస్తారు?

రత్నపుటుంగరములు, హేమకిరీటం, బంగారుశాలువ వంటి కానుకలు గానీ ప్రభుత్వం గానీ తాను అడగలేదని రామదాసు చెబుతారు. తాను చేసిన నేరం ఏమిటని సీతారామస్వామిని వేడుకుంటారు.

ఈ కీర్తనలో రామదాసు శ్రీరాముడిని కోరింది ఏమిటి?

కానుకలు ఏవీ అడగలేదని చెబుతూ, "కమలేక్షణ మిము సేవించుటకై ఘనముగ రమ్మని పిలిచితిగాని" అని రామదాసు పాడతారు. అంటే స్వామిని సేవించుకోవడానికి రమ్మని మాత్రమే పిలిచారు.