నిర్జల ఏకాదశి మహిమ | వ్యాస మహర్షి ఉపదేశం | భీమసేనునికి చెప్పిన వ్రత విశిష్టత

🍀 నిర్జల ఏకాదశి 🍀

ధర్మరాజు ఒకరోజు 'నిర్జల ఏకాదశి' గురించి తెలియజేయాల్సిందిగా వ్యాస మహర్షిని కోరాడు. వ్యాసుడు.. **'జేష్ఠ మాసంలోని రెండు పక్షాలలోని ఏకాదశినాడు భోజనం చేయకు, ద్వాదశినాడు స్నానాదికాలు పూర్తిచేసి బ్రాహ్మణ సంతర్పణ చేసి భోజనం చేయమ'**ని చెబుతుండగానే ఈ విషయం వినిన భీముడు 'మా తల్లి కుంతి, అన్న ధర్మరాజు, ద్రౌపది, అర్జునుడు, నకుల, సహదేవులంతా కూడా ఏకాదశి నాడు ఉపవాసం చేస్తారు.

కానీ నేను మాత్రం ఆకలికి తాళలేక సంవత్సరానికొకమారే ఉపవాసం చేస్తాను. నాకు ఏ వ్రతంతో స్వర్గలోక ప్రాప్తి కల్గుతుందో అటువంటి ఏకాదశిని గురించి ఉపదేశించమని కోరుతాడు.

ఇవి కూడా చదవండి: శ్రీ మేధా దక్షిణామూర్తి స్వామి ధ్యానం | సుమేధస్సు, వాక్చాతుర్యం, ఆత్మజ్ఞానం కోసం ధ్యాన శ్లోకం · అమలక ఏకాదశి , అమలక ఏకాదశి వ్రత మహత్యం · సర్వమంగళా నామం అర్థం ఏమిటి? | లలితా సహస్రనామం విశిష్టత మరియు అంతరార్థం

వ్యాసులవారు 'ఓ! భీమసేనా! జేష్ఠమాసంలో సూర్యుడు వృషభ రాశి నుండి మిథునరాశిలోకొస్తాడు. అప్పుడు శుక్ల పక్షంలోని ఏకాదశి నాడు కేవలం ఆచమనం తప్ప ఇక ఎటువంటి నీటిని (నిర్జల) తాగకుండా ఉండు. తాగావో వ్రత భంగమవుతుంది.

ఏకాదశి సూర్యోదయం నుండి ద్వాదశి సూర్యోదయం వరకు నీటిని త్యాగం చేసి ద్వాదశినాడు స్నానాదికాలు పూర్తిచేసి, బ్రాహ్మణులకు నీటితోపాటు సువర్ణదానం చెయ్యి. తర్వాత జితేంద్రియులైన బ్రాహ్మణులతో కలసి భోజనం చెయ్యి. శ్రీమహావిష్ణువు నాతో 'ఏ మానవుడు నన్ను తలచి ఏకాదశి వ్రతం చేస్తారో వారు పాపాల నుండి విముక్తులవుతారు' అని తెలియజేశాడు.

ఏకాదశి వ్రతం చేసిన వారికి స్వర్గం ప్రాప్తిస్తుంది. ఏకాదశి రోజు ఎవరైతే నీటిని కూడా తాగకుండా వుంటారో వారికి ఒక్కొక్క ఏకాదశికి కోటి సువర్ణ ముద్రలు దానం చేసిన పుణ్యఫలం లభిస్తుంది. నిర్జల ఏకాదశినాడు చేసిన స్నానం, దానం, జపం, హోమం, మొదలైనవన్నీ అక్షయమవుతాయని పండితులు అంటున్నారు.

'నిర్జల ఏకాదశి' ని విధి పూర్వకంగా చేసినవారు వైష్ణవపదమును పొందుతారు. నిర్జల ఏకాదశి నాడు అన్నం, వస్త్రం, గోవు, జలం, మంచం, కమండలం, గొడుగు దానం చేయాలి అని వ్యాసుల వారు భీమసేనునికి చెప్పారు.

🙏

ఓం నమో నారాయణాయ
ఓం నమో భగవతే వాసుదేవాయ 🙏

తరచుగా అడిగే ప్రశ్నలు

నిర్జల ఏకాదశి ఎప్పుడు వస్తుంది?

జేష్ఠ మాసంలో సూర్యుడు వృషభ రాశి నుండి మిథున రాశిలోకి వచ్చినప్పుడు, శుక్ల పక్షంలోని ఏకాదశిని నిర్జల ఏకాదశిగా వ్యాస మహర్షి భీమసేనునికి చెప్పారు.

నిర్జల ఏకాదశి ఉపవాసం ఎలా చేయాలి?

ఏకాదశి సూర్యోదయం నుండి ద్వాదశి సూర్యోదయం వరకు ఆచమనం తప్ప ఎటువంటి నీటినీ తాగకుండా ఉండాలి. నీరు తాగితే వ్రత భంగమవుతుందని వ్యాసుడు చెప్పారు.

నిర్జల ఏకాదశి తర్వాత ద్వాదశి నాడు ఏమి చేయాలి?

ద్వాదశినాడు స్నానాదికాలు పూర్తిచేసి, బ్రాహ్మణులకు నీటితో పాటు సువర్ణదానం చేయాలి. తర్వాత జితేంద్రియులైన బ్రాహ్మణులతో కలసి భోజనం చేయాలి.

నిర్జల ఏకాదశి నాడు ఏమి దానం చేయాలి?

నిర్జల ఏకాదశి నాడు అన్నం, వస్త్రం, గోవు, జలం, మంచం, కమండలం, గొడుగు దానం చేయాలని వ్యాసుల వారు భీమసేనునికి చెప్పారు.

నిర్జల ఏకాదశి వ్రత ఫలం ఏమిటి?

ప్రచారంలో ఉన్నట్లుగా, నీరు కూడా తాగకుండా ఈ వ్రతం చేసినవారికి ఒక్కొక్క ఏకాదశికి కోటి సువర్ణ ముద్రలు దానం చేసిన పుణ్యఫలం లభిస్తుంది. ఆ రోజు చేసిన స్నానం, దానం, జపం, హోమం అక్షయమవుతాయని, విధి పూర్వకంగా చేసినవారు వైష్ణవపదమును పొందుతారని పండితులు అంటారు.

భీముడు నిర్జల ఏకాదశి గురించి వ్యాసుడిని ఎందుకు అడిగాడు?

కుంతి, ధర్మరాజు, ద్రౌపది, అర్జునుడు, నకుల సహదేవులు ఏకాదశి ఉపవాసం చేస్తుండగా, ఆకలికి తాళలేని భీముడు సంవత్సరానికి ఒక్కసారే ఉపవాసం చేయగలనన్నాడు. అందుకే స్వర్గప్రాప్తి కలిగించే ఏకాదశిని ఉపదేశించమని వ్యాసుడిని కోరాడు.