అమ్మానాన్నల ప్రేమ గొప్పదా? లేక ప్రేమ పేరుతో వెళ్ళిపోయిన నీ ప్రేమ గొప్పదా?

తల్లితండ్రులకు చెప్పకుండా ఎవరో మధ్యలో పరిచయం అయిన ఒక అనామకుడిని నమ్మి వెళ్ళిపోయిన కూతురికి —
నాకు ఒక్క సూటి ప్రశ్న…

నీ ప్రేమ ఎలా గొప్పది?

రక్తమాంసాలు కడుపులో మోస్తూ,
నెత్తుటి ముద్దను ముద్దుగా చూస్తూ,
సమయం వచ్చి నువ్వు ఆ కడుపులో నుంచి బయటకు రావాలని తంతున్నప్పుడు,
ఆ బాధను కనురెప్ప దాటనీయకుండా దాచి,
తన ప్రాణం తీయబడినా పర్వాలేదు,
“శంకరా, నా బిడ్డను బ్రతికించు” అని మొక్కిన ఆ అమ్మ ప్రేమ కంటే నీ ప్రేమ గొప్పదా?

నువ్వు పుట్టిన క్షణం నుంచి,
నువ్వు అడుగేసే ప్రతి అడుగులో
తన అరచేతిని పెట్టి కాపాడిన,
నువ్వు తడబడితే గుండె తడిచిన,
నీ కోసం ఎండ వాన తట్టుకొని తన జీవితాన్ని కరిగించిన ఆ నాన్న ప్రేమ కంటే నీ ప్రేమ గొప్పదా?

నువ్వు అడిగిన ప్రతి దానికి
తన చెమటను నీ సంతోషంగా మార్చిన,
ఏమీ ఆశించకుండా నువ్వు సంతోషంగా ఉండాలని
ప్రాణం పెట్టిన తల్లిదండ్రుల ప్రేమ కంటే —
నీ ప్రేమ గొప్పదా?

ప్రేమ పేరుతో వెళ్లి తల్లిదండ్రుల గుండెల్లో గాయాలు పెట్టడం నిజమైన ప్రేమనా?

---

ఇప్పటివరకు జరిగిన సంగతి…
మా ఇంటి దగ్గర నాలుగు రోజుల క్రితం జరిగిందీ వేదన.
ఇంట్లో చెప్పకుండా ఎవరో తోడు వచ్చినవారితో వెళ్లిన అమ్మాయి తలచుకొని కుమిలి ఏడుస్తున్న ఆ తల్లిదండ్రుల ఆవేదన.
ఇరుగుపొరుగువాళ్లు అడిగిన ప్రశ్నలకు సమాధానం చెప్పలేక విలపిస్తున్న వారి వేదన.
తలుపు చప్పుడు వింటే “నా బిడ్డ వచ్చింది” అనే ఆశతో పరుగెత్తి చూసి,
తిరిగి కన్నీరు మున్నీరవుతున్న ఆ తల్లిదండ్రుల బాధ…
వీటిని చూసిన మనసు చలించకుండా ఉందా?

🙏 ప్రతి అమ్మాయి… బయట అడుగు వేయడానికి ముందు ఒక్క క్షణం ఆ తల్లిదండ్రుల ప్రేమను గుర్తుచేసుకోండి.
ఒకరు మారకపోయినా, ఒక్కరు ఆలోచిస్తారని ఆశిస్తూ…

సదా మీ సేవలో,
కే.వి.ఆర్
📞 9640264638