శ్రీ కాళహస్తీశ్వరా శరణు: భక్తి భావం, ధూర్జటి కవితా స్ఫూర్తి
ఓ శ్రీ కాళహస్తీశ్వరా!
నీవే నాకు ఈ జన్మను ఇచ్చావు.
నేను నీ సేవకుడను.
సర్వకాల సర్వావస్థల యందును నీ నామము తప్ప ఇంకొకటి తలపను.
పండితులు ఎవరైనా తమ పాండిత్యముతో నీగురించి ఒక కావ్యము రచించవచ్చును.
నీ గురించి ఏమైనా పద్యములో, దండకములో వ్రాసిఇచ్చినచో నిత్యమూ పఠింతునని ఒక పామరుడు పండితుని అడుగవచ్చును.
చదువుట, వ్రాయుట వచ్చినవారు తాము కవిత్వము చెప్పలేకపోయినప్పటికీ, నిను గురించి వివరముగా తెలియజేయు పురాణాది ప్రబంధములను నియమ నిష్ఠలతో చదువవచ్చును.
వీరందరూ నీ భక్తులు.
ఈ భక్తులు అందరూ నాకు బంధువులు.
నీ పాదసేవ అను బంధమే మమ్ములను కట్టివేసినది.
జన్మ సంబంధము కానీ, రక్తసంబంధము కానీ ఈ లోకపు బంధములే కానీ మోక్షమును ఈయజాలవు.
ఇవి తిరస్కరించవలసిన బంధములే,
నేను నీభక్తులతోడి స్నేహబాంధవ్యములను మాత్రమే కోరుకుంటున్నాను.
నన్ను దయ చూడవలసినది.
శ్రీ కాళహస్తీశ్వరా !శరణు!! శరణు !!!
“శ్రీ ధూర్జటి మహాకవికి ప్రణామములు” 🙏
🍂🥀🍂🥀🍂🥀🍂🥀🍂🥀